.jpg)
.jpg)
Qeyri-sabit hava şəraiti dəmiryolunda çətinliklər yaradıb
11.08.2018
İqtisadiyyat
0
0
11 avqust 2018-ci il tarixində aramsız yağan leysan yağışlarının təsiri nəticəsində Zaqatala rayonunun ərazisindən keçən Lahıc çayı dəmir yolunun Qax-Zaqatala mənzilinin 132-ci km-də dəmir yolundan 2 km aralı məsafədə məcrasını dəyişib, 300 metr məsafədə dəmir yolu yatağını yuyaraq zədələyib.
"Azərbaycan Dəmir Yolları" QSC-dən "Kommersant.az"a daxil olan məlumata görə, Bakı-Balakən marşrutu ilə hərəkət edən 664 №-li sərnişin qatarı Qax stansiyasına qədər hərəkət edib. Belə ki, Zaqatala və Balakən stansiyalarına gedən sərnişinlər Qax stansiyasından avtobuslarla mənzil başına yola salınıblar.
Qurumun yaydığı məlumatda bildirilir ki, hal-hazırda təbii fəlakət yerində - dəmir yolunda bərpa işləri aparılır.
Bu gün Balakən-Bakı sərnişin qatarı Bakıya Qax stansiyasından yola salınacaq.
11 avqust 2018-ci il tarixdə Bakı-Balakən sərnişin qatarı Bakıdan cədvəl üzrə yola salınacaq.
Digər xəbərlər
.jpg)