Kofi Annan sentyabrın 13-də Qanada dəfn ediləcək

BMT-nin sabiq baş katibi Kofi Annanın dəfn mərasimi sentyabrın 13-də Qanada keçiriləcək.

"Kommersant.az" AZƏRTAC-a istinadla xəbər verir ki, bu barədə AFP agentliyi Qana Prezidenti Nana Akufo-Addoya istinadla məlumat yayıb. Mərhum diplomatın Qananın paytaxtı Akkra şəhərindəki hərbi qəbiristanlıqda dəfn ediləcəyi bildirilir.
Xatırladaq ki, 1997-2006-cı illərdə BMT-nin baş katibi olmuş Kofi Annan avqustun 18-də 80 yaşında vəfat edib.
Qanalı diplomat, BMT-nin 7-ci baş katibi Kofi Annan 1938-ci ildə doğulub. Atası fanti qəbiləsinin başçısı və Aşanti əyalətinin qubernatoru olub. Vətənində, ABŞ-da və İsveçrədə təhsil alıb. Tələbə olarkən BMT-də işləməyə başlayıb. Əvvəlcə Dünya Səhiyyə Təşkilatında, sonra isə digər strukturlarda çalışıb, BMT-nin qaçqınların işi üzrə ali komissarının idarəsinə başçılıq edib. 2001-ci ildə Nobel Sülh Mükafatına layiq görülüb.

Kommersant.az

Xəbərin müəllifi

Facebok Twitter LinkedIn

Əvvəlki
Prezident dövlət borcunun idarə edilməsinə dair strategiyanı təsdiq edib
Sonrakı
Vüqar Rəhimzadə: Almaniya Kanslerinin ölkəmizə səfəri əlaqələrin inkişafına stimul verəcək

Digər xəbərlər

28.11.2024 İqtisadiyyat