.jpg)
.jpg)
Cəza çəkməkdən azad edilmiş 34 nəfər özünüməşğulluq proqramına cəlb edilib
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən "Kommersant.az"a verilən məlumata görə, bu il bu kateqoriyadan olan və özünüməşğulluq fəaliyyətini qurmaq üçün müraciət edənlərdən 34 nəfəri kiçik ailə təsərrüfatlarını qurmaq üçün müəyyən potensiallarının olduğu nəzərə alınmaqla Əmək və Əhalinin Sosial Müdafiəsi Nazirliyi tərəfindən özünüməşğulluq proqramına cəlb edilib.
Həmin şəxslər, əsasən, istehsalyönümlü iqtisadi fəaliyyət növləri üzrə təsərrüfatlarını yaratmaq niyyətindədir. Proqram çərçivəsində onların kiçik biznesə malik olmaları üçün aktivlərlə təminatı həyata keçiriləcək. Quracaqları təsərrüfatlarını inkişaf etdirmələri üçün mütəmadi olaraq zəruri məsləhət xidmətləri ilə təmin olunacaqlar.
Penitensiar müəssisələrdə cəza çəkməkdən azad edilmiş şəxslərin potensialları müqabilində özünüməşğulluq proqramına cəlb edilməsi işləri hazırda da davam etdirilir.
Digər xəbərlər
Azərbaycanda e-ticarət bazarının bu il 2 milyard dollara çatacağı gözlənilir
Milli Məclisdə müəllimlərin maaşlarının artırılması ilə bağlı təklif verildi
Azərbaycan kənd təsərrüfatı məhsullarının ixracından gəlirini 11 % artırıb
