Azərbaycan sağlamlıq turizmi üzrə inkişaf strategiyası hazırlayır

Azərbaycanda sağlamlıq turizminin inkişafı üzrə yeni strategiya 2018-ci ilin sonuna qədər qəbul edilə bilər.

Bu barədə "Kommersant.az"a Azərbaycan Sağlamlıq və Termal Turizmə Dəstək Assosiasiyasının sədri, Ümumdünya Sağlamlıq Turizmi Təşkilatının prezidenti Ruslan Quliyev deyib.
R.Quliyevin sözlərinə görə, strategiya demək olar ki, artıq hazırdır və yaxın gələcəkdə Azərbaycan Milli Məclisinə təqdim edilməlidir.
Assosiasiya sədri bildirib ki, ilin əvvəlində 2018-2020-ci illər üçün nəzərdə tutulmuş "Sağlamlıq turizminin inkişafı üzrə fəaliyyət planı"nın qəbul edilməsi planlaşdırılırdı, amma nazirlikdə islahatlar və turizm üzrə yeni Dövlət Agentliyinin yaradılmasına görə bu proses bir qədər yubanır:

"Ümumiyyətlə, fəaliyyət planının qəbulu prioritet olaraq qalır. Çox güman ki, inkişaf strategiyası qəbul edildikdən sonra bu sənəd təsdiq ediləcək".
Qeyd edək ki, 2018-ci ildə Azərbaycan Birləşmiş Ərəb Əmirliklərindən Ümumdünya Sağlamlıq Turizmi Təşkilatında sədrliyi qəbul edib. R.Quliyev vurğulayıb ki, təşkilata rəhbərliyin Azərbaycana keçməsi ölkədə turizmin daha da inkişafına şərait yaradacaq.
Xatırladaq ki, Azərbaycan 2014-cü ildən 60 ölkənin təmsil olunduğu bu beynəlxalq təşkilatın üzvüdür.

Kommersant.az

Xəbərin müəllifi

Facebok Twitter LinkedIn

Əvvəlki
Qobustanda xalça emalatxanası və tədarük məntəqəsinin tikintisi sürətlə davam etdirilir
Sonrakı
"Azərsu" Azərbaycan Beynəlxalq Bankından aldığı borcu 7 il tez qaytarıb