SOCAR-ın Qaz Emalı Zavodu keçən il 3 milyard kubmetrədək qaz emal edib

SOCAR-ın Qaz Emalı Zavodunda ötən il 3 milyard kubmetrədək qaz emal olunub.

"Kommersant.az" xəbər verir ki, bu barədə SOCAR-ın 2017-ci il üzrə illik hesabatında bildirilir.
Qeyd olunur ki, hesabat ilində zavodda faktiki olaraq 2 milyard 918,3 milyon kubmetr qaz emal olunaraq proqnoz göstəricilərinə 82,9 faiz əməl edilib. Emal proqnozuna kəsrlə əməl olunması "Azneft" İB tərəfindən zavoda təhvil verilən qazın həcminin proqnoza nisbətən az olması ilə əlaqədar olub. Bu göstərici 2016-ci ilin müvafiq göstəricisinə nisbətən 97,2 faiz təşkil edib. 2017-ci il ərzində zavodda 2 milyard 866,7 milyon kubmetr təmizlənmiş təbii qazla yanaşı 11,91 min ton texniki butan və 20,11 min ton qaz benzini istehsal edilib. İstehsal edilmiş qaz benzininin bütün həcmi təkrar emal məqsədilə xammal kimi "Azneft" İB-ə, texniki butanın 48 faizi xammal kimi "Azərikimya" İB-ə, 52 faizi isə daxili bazarda satışa yönəldilib.

Kommersant.az

Xəbərin müəllifi

Facebok Twitter LinkedIn

Əvvəlki
Azərbaycan şərabının ixracı məqsədilə Rusiya gömrük məntəqəsində aksiz postu - Yaradıla bilər
Sonrakı
Azərbaycan Prezidentinin Xorvatiyaya rəsmi səfəri başa çatıb

Digər xəbərlər

22.11.2024 İqtisadiyyat