.jpg)
.jpg)
Aİ Türkmənistana kömək edəcək
"Kommersant.az" xəbər verir ki, Türkmənistan nümayəndəliyi ilə Aİ arasında Brüsseldə danışıqlar keçirilib:
"Aİ tərəfindən "Transxəzər qaz boru xətti"nin çəkilməsinə və Türkmənistan təbii qazının Avropa bazarına çıxarılmasına böyük maraq var. Aİ nümayəndələri bu mühüm enerji layihəsinə investisiya cəlb etməyə hazır olduqlarını bildirdilər", - Türkmənistanın xarici işlər naziri Rəşid Meredov bildirib. O eyni zamanda qeyd edib ki, "Transxəzər qaz boru xətti"nin çəkilməsi layihəsi 30 ildən az olmayaraq bir müddət ərzində Avropa bazarını Türkmənistan təbii qazı ilə təchiz edəcək.
Qeyd edək ki, "Transxəzər qaz boru xətti", Türkmənistanın TANAP-a qoşulması üçün mühüm sayılır. TANAP qaz boru xətti Azərbaycan təbii qazının Gürcüstan və Türkiyə vasitəsilə Yunanıstan sərhədinə çatdırılması, oradan isə TAP vasitəsilə Cənubi Avropaya çıxarılmasını nəzərdə tutur.
Proqnoza görə, həmin qaz boru xətti vasitəsilə Azərbaycanın təbii qazı Avropa bazarına 2019-2020-ci illərdə çıxacaq.
Digər xəbərlər
