.jpg)
.jpg)
Telman İsmayılov itirdiyi ticarət imperiyasından söz açdı - VİDEO
"Kommersant.az"-ın verdiyi xəbərə görə, iki sifarişli qətldə şübhəli bilinən oliqarx iddia edir ki, telekanalların kriminal xronikada nümayiş etdirdiyi "Çerkizov" bazarına heç bir aidiyyatı yoxdur.
"Siz başqa obyektləri, başqa bazarları göstərirdiniz, amma məndən danışırdınız. Guya orada zirzəmi var... Mənim heç vaxt zirzəmim olmayıb! Kazinom olmayıb! Kimdəsə narkotik tapanda mühafizə işçiləri mükafat alırdılar!", - İsmayılov deyib.
Onun sözlərinə əsasən, bazarda qeyri-qanuni mühacirlər də olmayıb:
"İşləyənlərin 85%-i rusiyalılar idi, 15%-i – çinlilər. Tək İvanovodan 100 istehsalçı var idi!".
İsmayılov Lujkovun bu məsələlərdəki rolu haqqında sualı da cavablandırıb:
"Lujkovun bazarla nə əlaqəsi? O, şəhərin meri idi. Bu torpaq isə federal mülkiyyət idi. Mən torpağı federallardan icarəyə götürmüşdüm. Lujkovun buna heç bir dəxli yoxdur! O həmişə bazarlara qarşı olub...
Amma ticarət departamentinin rəhbərini bizim bazara göndərəndən sonra fikrini dəyişdi. O gəlib gördü ki, bizim kafe və restoranlar Avropa standartlarına uyğundur. Bizdə olan tualetlər bu gün də Moskvada yoxdur!"
Digər xəbərlər
.jpg)