Keyfiyyətli xurmanı necə seçmək olar

Xurmanın orqanizmə böyük faydası var. Lakin xurma yeməzdən əvvəl mədə-bağırsaq traktını çox yükləməmək və kökəlməmək üçün bəzi qaydalara əməl etməlisiniz.

Xurma düzgün qurudulmuş olmalıdır. Məsələn, şəkərli suda isladılmış xurmanın faydasından çox zərəri var. Bunu gözlə müəyyən etmək olar. Şəkərə qoyulmuş meyvə mağazada saxlandığı müddətdə üzərində çox sayda bakteriya və göbələk böyüyür. Əgər meyvə yapışqandırsa və yağlı təbəqə ilə örtülmüş kimi görünürsə, bu, onların islandığını göstərir.

Üstəlik, xurmanı şərbətdə isladarkən istehsalçı çox vaxt dənəsini çıxarır, ona görə də içəriyə zərərli mikroorqanizmlər də daxil olur.

Tünd rəngli xurma seçmək daha yaxşıdır: açıq rəng meyvələrin yetişməmiş yığıldığını göstərir. Bundan əlavə, son istifadə və saxlama tarixlərini yoxlamağı unutmayın və əgər aldığınız meyvə çəki ilə satılırsa, müvafiq sənədləri tələb edin. Xurma istifadə etməzdən əvvəl yuyulmalıdır. Bu, tərkibində bakteriya olan çox yapışqan təbəqəni çıxarmağa kömək edəcək. Xurmanı ümumi qidalardan ayrı və ya meyvə-tərəvəzlə birlikdə yemək daha yaxşıdır. Bu halda meyvələr normal həzm olunur və mədə-bağırsaq traktının heç bir yerində ilişib qalmır, köp yaratmır.

Narmin Gani

Xəbərin müəllifi

Facebok Twitter LinkedIn

Əvvəlki
Avro zonasında pərakəndə satışlar gözləntilərin altındadır
Sonrakı
Kənd təsərrüfatı sahəsindəki problemlər - İxtisaslı kadrlara ehtiyac var - Ekspert