Titanın qalıqları tapıldı

Titanikə ekskursiya zamanı itən sualtı gəmi beş günlük axtarış səylərinin sonunda çökmüş, parçalanmış vəziyyətdə tapılıb. Bütün sərnişinlər həlak oldu.

Kommersant.az xəbər verir ki, ABŞ Sahil Mühafizəsi kontr-admiralı Con Mauger jurnalistlərə verdiyi açıqlamada, dünən Kanada gəmisindən göndərilən robot dalğıc vasitəsinin su səthinin 4 km altında Titanikin burnundan 488 metr dərinlikdə su altında qalmış gəminin dağıntı sahəsini təsbit etdiyini bildirib.

Sahil Mühafizəsinin açıqlamasından əvvəl OceanGate açıqlama verərək Titandakı bütün sərnişinlərin öldüyünü bildirib.

Titanda olan sərnişinlər arasında britaniyalı milyarder 58 yaşlı Hamiş Hardinq, 48 yaşlı pakistanlı iş adamı Şahzadə Davud, 19 yaşlı Davudun oğlu Süleyman, 77 yaşlı fransız kəşfiyyatçı Paul-Henri Nargeolet və OceanGate Expeditions şirkətinin baş direktoru və qurucusu Stockton Rush olub. Sərnişinlər dalış üçün adambaşına 250 min dollar ödəyiblər.