.jpg)
Naci Görürdən qorxulu xəbərdarlıq: İstanbulda hər an zəlzələ riski 47 faizdir
Yer alimi Prof. Dr. Naci Görür İstanbul zəlzələsi ilə bağlı diqqətçəkən açıqlamalar verib.
DW Turkish-yə danışan geoloq Prof. Dr. Görür, Mudanya sahillərində baş verən zəlzələnin Şimali Anadolu Fay Xəttinin cənub qolunda meydana gəldiyini ifadə edərək, "Böyük Mərmərə zəlzələsi eyni fay xəttinin şimal qolunda gözlənilir" deyib.
Bu zəlzələ ilə bağlı proqnozların hələ də qüvvədə olduğunu vurğulayan Görürün sözlərinə görə, İstanbulda hər an zəlzələ olma ehtimalı 47 faizə yüksəlib. Görür, "Bu inanılmaz dərəcədir. 17 avqust 1999-cu ildə Gölcük zəlzələsində Şimali Anadolu Fay Xətti qırıldı. Eyni fay xəttinin davamı qərbdə İstanbuldan keçir.
İstanbul o vaxtdan bəri 7-7,5 bal gücündə zəlzələ riski ilə üzləşib. Görür, Mərmərə Bölgəsinin Kumburqaz və Adalar qırılmalarının zəlzələ yaradacağını və Adalar qırılmasının qopacağı təqdirdə maksimum 7 bal, Kumburqaz qırılması zamanı minimum 7,2 bal gücündə zəlzələ olacağını ifadə edib. Hər iki qırılma eyni vaxtda qırılarsa, 7,5 bal gücündə zəlzələ olacaq", deyə xəbərdarlıq edib.
Digər xəbərlər
