ÜST Covid-19-un alt variantını izləməyə başladı
20.12.2023
Digər
0
0
Ümumdünya Səhiyyə Təşkilatı (ÜST) Covid-19-un JN.1 variantını sürətli yayılmasına görə ana nəsil BA.2.86-dan ayrı nəzarət edilməli olan variant kimi təsnif edib.
ÜST-nin verdiyi yazılı açıqlamada bildirilib ki, əldə edilən məlumatlara əsasən, JN.1 variantının hazırda qlobal ictimai sağlamlıq üçün yaratdığı risk “aşağı” hesab olunur.
“Buna baxmayaraq, şimal yarımkürəsində qışın başlaması ilə JN.1 bir çox ölkələrdə respirator infeksiyaların yükünü artıra bilər”, - deyə məlumatda deyilir.
Açıqlamada ÜST-nin məlumatları daim nəzarətdə saxladığı və lazım gəldikdə JN.1 risk qiymətləndirməsini yeniləyəcəyi vurğulanıb.
"Peyvəndlər qorumağa davam edir"
Açıqlamada xatırladılıb ki, hazırkı Covid-19 vaksinləri JN.1 və SARS-CoV-2-nin digər dövriyyədə olan variantlarının yaratdığı ciddi xəstəlik və ölümdən qorunmağa davam edir.
Digər xəbərlər
