Amerikalılar şans oyunlarına ümid edir

Cekpotların bəzən 1 milyard dolları ötdüyü ABŞ-da şans oyunlarına edilən xərclər son 5 ildə təxminən 25 faiz artıb. Amerikalılar keçən il şans oyunlarına 113 milyard dollardan çox pul xərcləyiblər.

ABŞ-da şans oyunlarına xərclər hər il 5 faiz artaraq 2023-cü ildə 113,3 milyard dollara çatıb.

Ölkənin ən çox rast gəlinən şans oyunlarından biri olan Powerball-da cekpotun keçən həftə sonu 1,3 milyard dollara çatması ilə lotereya həyəcanı yenidən artdı.

Sözügedən məbləğin ölkə tarixində dördüncü ən böyük cekpot məbləğinə çatması ilə amerikalıların cəmi 2 dollar müqabilində həyatını dəyişdirən pul qazanmaq şansı 292,2 milyonda bir idi.

Gəlir bərabərsizliyinin artdığı ABŞ-da son illərdə insanların şans oyunlarına marağı da artıb.

Şans oyunlarına edilən xərclər son 5 ildə təxminən 25 faiz artıb

Şimali Amerika Dövlət və Ərazi Lotereyaları Assosiasiyasının (NASPL) məlumatına görə, keçən il ABŞ-da şans oyunları üçün xərclər 113,3 milyard dollara çatıb.

Ölkədə şans oyunları üçün xərclər 2023-cü ildə əvvəlki ilə nisbətən yüzdə 5, son 5 ildə isə təxminən yüzdə 25 artıb.

Amerikalılar 2019-cu ildə şans oyunlarına 90,9 milyard dollar, 2020-ci ildə 89,6 milyard dollar, 2021-ci ildə 105,2 milyard dollar və 2022-ci ildə 107,9 milyard dollar xərcləyib.

Ölkədə şans oyunları satışının ən çox olduğu əyalət 9,8 milyard dollarla Florida, 9,2 milyard dollar satışı ilə Kaliforniya ştatı olub.