Starlink peyklərinin parıltısı güclənib

Yeni SpaceX Starlink Direct to Cell (DTC) peykləri orbitə çıxarılan modellərdən əhəmiyyətli dərəcədə daha parlaq oldu. Müvafiq tədqiqat arXiv preprint serverində dərc edilib.

Beynəlxalq Astronomiya İttifaqının (IAU) alimi Entoni Mallamın sözlərinə görə, SpaceX hələ də yeni peyklərdə parıltı azaldan üsulları tətbiq etməyib. Buna görə, onlar əvvəlki modellərdən demək olar ki, beş dəfə daha parlaq idi. Yanvar ayında SpaceX-in baş meneceri Keith Tice peyklərin yüksək parlaqlığından danışdı.

SpaceX 2020-ci ildə astronomların Starlink-in müşahidələrinə müdaxilə etdiyindən şikayət etdikdən sonra peyklərindən əks olunan günəş işığının parlaqlığını məcburi şəkildə azaltmağa başladı. Bir qayda olaraq, peyklərə güzgü dielektrik səthi tətbiq olunur və cihazın şassisi tənzimlənir. Bu, parıltının parlaqlığını təxminən 10 dəfə azaltmağa imkan verir.

Bununla belə, SpaceX bu tədbirləri DTC-yə tətbiq etdikdə belə, yeni peyklər əvvəlki modifikasiyalardan 2,6 dəfə daha parlaq olacaq. Mallam bildirib ki, bu problemə baxmayaraq, DTC peykləri daha yüksək sürətlə hərəkət edir və çox vaxt Yerin kölgəsində olur.

Mayın sonunda SpaceX Starlink peykləri və Direct to Cell (DTC) texnologiyası vasitəsilə həyata keçirilən ilk videozəngini nümayiş etdirdi. Şirkət nümayəndələrinin sözlərinə görə, gələcəkdə peyklər vasitəsilə video rabitə adi cihazların istifadəçiləri üçün əlçatan olacaq.