23.12.2024 Digər

0 0

Albaniyada Çin mərkəzli sosial media platforması TikTok-a qarşı addımlar atılır. Baş nazir Edi Rama, bu gün paytaxt Tiranada ölkənin hər yerindən müəllimlər, tələbələrin valideynləri və psixoloqlarla keçirilən görüşdə 2025-ci ilin əvvəlindən etibarən TikTok-u bir il müddətinə qadağan edəcəklərini açıqladı. TikTok-u “məhəllənin başıboşu” olaraq xarakterizə edən Rama, “Bu başıboşu bir il ərzində məhəllədən qovacağıq. 1 il ərzində hamı üçün TikTok-u bağlayacağıq. "Albaniyada TikTok olmayacaq" dedi.

“TikTok sadəcə çirkab və palçıqdır. Niyə bizə belə bir şey lazımdır?”

Rama sosial media platformalarını, xüsusən də TikTok-u məktəblərin daxilində və xaricində gənclər arasında zorakılığı qızışdırmaqda ittiham edib. Rama həmçinin bildirib ki, Albaniya hökuməti tələbələrin təhsilini dəstəkləmək və valideynlərə uşaqlarının tərəqqisini izləmək imkanı vermək üçün proqramlar həyata keçirəcək.

Mübahisə dava ilə başlayıb

Albaniyada TikTok-un qadağan edilməsi ilə bağlı müzakirələr noyabr ayında Tiranada məktəb yaxınlığında baş verən davada 14 yaşlı şagirdin bıçaqlanaraq öldürülməsindən sonra başlayıb. Albaniya mətbuatında yayılan xəbərlərə görə, hadisə sosial mediada müzakirələrdən sonra baş verib və TikTok-da qətli dəstəkləyən uşaqların videoları peyda olub.

Dünyada bir milyarddan çox aktiv istifadəçisi olan TikTok ABŞ-da casusluq ittihamları ilə, Avropa Birliyi ölkəsində isə Rumıniyada ifrat sağçı prezidentliyə namizədin xeyrinə seçki nəticələrinə təsir etmək cəhdi üçün platforma təqdim etməkdə ittihamlarla üzləşib.