Çin şirkətinin subay işçilərə göstərişi: "Ya evlən, ya da işdən çıx"

Çinin əhalisi üç ildir ki, azalır. Hökumət doğum nisbətlərinin aşağı düşməsindən narahat olsa da, işəgötürənlər işçilərə üzərlərinə düşəni etmələrini tapşırdılar, əks halda işlər daha da pisləşəcək. Bəzi özəl şirkətlər işçilərini evlənməyə və uşaq sahibi olmağa məcbur etməyə başlayıb.

Çin hökuməti doğum nisbətlərinin aşağı düşməsi və nikahların kəskin azalması ilə mübarizə tədbirlərini gücləndirərkən, bəzi özəl işəgötürənlər işçiləri üzərlərinə düşəni etməyə çağırırlar. Bəzi iş yerləri işçilərini ailə qurmağa və uşaq sahibi olmağa məcbur etməyə başlayıb.

Çin şirkəti işçilərinə vaxt verir

“The New York Times” qəzetinin yazdığına görə, Çinin kimya şirkəti Shandong Shuntian işçilərinə göndərdiyi bildirişdə sentyabrın 30-na kimi evlənməyənlərin işdən çıxarılacağını açıqlayıb.

Şirkətin paylaşımı sosial şəbəkələrdə yayılıb

Yaşı 28-58 arasında olan bütün subay və ya boşanmış işçiləri əhatə edən bu qərar sosial mediada sürətlə yayıldı və böyük əks-səda doğurdu. Bəyanatda işçilərə sentyabrın 30-dək ailə həyatı qurmaq tapşırılıb.