Bu smartfonlarda təhlükəli virus aşkarlanıb

Kibercinayətkarlar saxta və aşağı büdcəli smartfonlara ziyanverici proqram təminatı yazmağa başlayıblar.

Kommersant.az xəbər verir ki, bu barədə “PCMag” nəşri yazır.

“Kasperski laboratoriyası” şirkətinin mütəxəssisləri məşhur şirkətlərin ticarət nişanı altında istehsal olunan saxta smartfonların potensial təhlükə mənbəyi olduğunu iddia edir. Onlar müəyyən ediblər ki, bu cür cihazlarda viruslu proqramlar öncədən quraşdırılmış vəziyyətdə olur.

“Məlumat təhlükəsizliyi üzrə mütəxəssislər qeyd ediblər ki, zərərli proqram təminatı gizli şəkildə fəaliyyət göstərir və kibercinayətkarlara yoluxmuş cihazlar üzərində tam nəzarət imkanı verir”, - deyə nəşr yazır.

Aşağıbüdcəli və saxta smartfonlarda aşkarlanan virus qrupu “Triada” adı altında tanınır. Həmin viruslar mesajlaşma tətbiqini ələ keçirə, brauzer fəaliyyətini izləyə, SMS-ləri ələ keçirib silə bilir. Belə təhlükəli viruslara yoluxmuş telefonlar ilk dəfə Rusiya, Braziliya, Qazaxıstan, Almaniya və İndoneziyada aşkarlanıb.

News Department

Xəbərin müəllifi

Facebok Twitter LinkedIn

Əvvəlki
Parçalanmış ticarət inflyasiyaya təkan verə bilər xəbərdarlığı
Sonrakı
AZAL sərnişin daşınmasını 7 % artırıb

Digər xəbərlər

02.04.2025 Digər