Ötən il ərzində Nazirlər Kabineti tərəfindən 462 qərar qəbul edilib, 820 sərəncam imzalanıb

Ötən il ərzində Nazirlər Kabineti tərəfindən 462 qərar qəbul edilib, 820 sərəncam imzalanıb - Əli Əsədov

Azərbaycan Prezidenti İlham Əliyevin rəhbərliyi ilə həyata keçirilən uğurlu və məqsədyönlü daxili və xarici siyasət nəticəsində ölkəmizin beynəlxalq nüfuzu daha da artıb, iqtisadiyyat inkişaf edib, müdafiə qabiliyyəti güclənib, əhalininsosial vəziyyəti yaxşılaşıb.

Kommersant.az-ın məlumatına görə, bunu Baş nazir Əli Əsədov Milli Məclisdə Azərbaycan Respublikası Nazirlər Kabinetinin 2022-ci ildə fəaliyyəti haqqında hesabatın müzakirəsi zaman deyib.

O qeyd edib ki, işğaldan azad edilmiş ərazilərin bərpası, iqtisadiyyatın inkişafı, əhalinin sosial vəziyyətinin yaxşılaşdırılması, müdafiə qabiliyyətinin gücləndirilməsi istiqamətində tədbirlər görülüb. Ötən il ictimai-siyasi həyatında aparılan uğurlu islahatlarla yadda qalıb.

Baş nazir bildirib ki, ötən il ərzində Nazirlər Kabineti tərəfindən 462 qərar qəbul edilib, 820 sərəncam imzalanıb.

Xatırladaq ki, bu gün Azərbaycan hökuməti Milli Məclisdə hesabat verir, iclasda Baş nazir Əli Əsədov, nazirlər iştirak edir.

hesabat milli məclis əli əsədov