NATO-dan Finlandiyaya dəstək

Finlandiyanın NATO-ya üzvlük protokolunun təsdiq edilməsi haqqında qanun layihəsi Türkiyə Böyük Millət Məclisinin Baş Assambleyasında qəbul edilib.

NATO-nun baş katibi Yens Stoltenberq Finlandiyanın NATO-ya üzvlük protokolunun Türkiyə Böyük Millət Məclisinin Baş Assambleyasında təsdiq edilməsi haqqında qanun layihəsinin qəbulunu alqışladığını bildirib.

"Bu, bütün NATO ailəsini daha güclü və təhlükəsiz edəcək", - deyə Stoltenberq bildirib.

Finlandiya Xarici İşlər Nazirliyi NATO-ya üzvlük protokolunun təsdiq edilməsi təklifinin Türkiyə Böyük Millət Məclisinin Baş Assambleyasında qəbul edilməsindən sonra türkcə “Təşəkkür edirəm” mesajı paylaşıb.

Yazıda "Təşəkkür edirik! Finlandiyanın NATO-ya üzvlük protokolunu təsdiqləmə qərarına görə Türkiyə Böyük Millət Məclisinə minnətdarıq" ifadələrdən istifadə edilib.

Finlandiyanın xarici işlər naziri Pekka Haavisto da Twitter hesabında proseslə bağlı məlumat verib və deyib:

"Bu gün 10 aydan çox davam edən işi geridə qoyduq. 17 may 2022-ci ildə NATO-ya üzvlük üçün müraciət etdik. İlk təsdiqlər Kanada və Danimarkadan alındı. Macarıstan təsdiqini sabah Vaşinqtona təqdim etməlidir. İndi Türkiyə Böyük Millət Məclis öz qərarını verdi. Tarixi günləri yaşayırıq”.

türkiyə nato