14.06.2023 Siyasət

8 15

“Mixail Nikolayeviç Yevdokimov Rusiya Federasiyasının Azərbaycan Respublikasında fövqəladə və səlahiyyətli səfiri təyin edilsin”, - Putinin imzaladığı sərəncamda deyilir.

Demokrat.az yeni səfirin tərcümeyi-halını təqdim edir.

1959-cu ildə anadan olan Yevdokimov 1981-ci ildə SSRİ Xarici İşlər Nazirliyinin Moskva Dövlət Beynəlxalq Münasibətlər İnstitutunu bitirib.

Universitet başa çatdıqdan sonra o, əvvəlcə SSRİ, ardınca Rusiya Xarici İşlər Nazirliyində müxtəlif vəzifələrdə çalışıb. Yevdokimov 1996-1997-ci illərdə Nazirliyin İqtisadi Əməkdaşlıq şöbəsinin müdiri, 1997-2001-ci illərdə Rusiyanın Cenevrədəki BMT və digər beynəlxalq təşkilatlar yanında Daimi Nümayəndəliyinin baş məsləhətçisi, 2001-2002-ci illərdə XİN-in Avropa Əməkdaşlıq Departamentinin şöbəsinin müdiri, 2002-2011-ci illərdə Avropa Əməkdaşlıq Departamentinin direktor müavini, 2011-ci ilin may-noyabr ayları MDB ölkələri üzrə Birinci Departamentin direktor müavini, 2011-ci ilin noyabr ayından isə MDB ölkələri üzrə Birinci Departamentinin direktoru vəzifəsində işləyib.

2019-cu ilin sentyabr ayından 2-ci dərəcəli fövqəladə və səlahiyyətli elçi diplomatik rütbəsinə malik olan diplomat ingilis və fransız dillərini bilir.

Ailəlidir, bir oğlu var. (Modern.az)