"Ölümcül, faciəli, unikal səhvə yol verməyin" - PUTİN
Kommersant.az xəbər verir ki, Rusiya dövlət başçısı "Hərbi qiyam təşkil edən və hazırlayan, öz yoldaşlarına qarşı silaha sarılan hər kəs Rusiyaya xəyanət edib və buna görə cavab verəcək" sözlərindən istifadə edib.
Putin deyib ki, Rusiya bu gün öz gələcəyi üçün ən ağır mübarizəni aparır:
“Qərbin bütün hərbi, iqtisadi, informasiya maşını bizə qarşı yönəlib. Bu mübarizə bütün qüvvələrin birliyini tələb edir. Rusiyanı qorumaq üçün hər şeyi edəcəyik.
Silahlı Qüvvələr və digər dövlət qurumları lazımi əmrləri alıblar və hazırda Moskvada, Moskva vilayətində və digər regionlarda əlavə antiterror tədbirləri tətbiq olunur. Rostov-na-Donuda vəziyyət ağır olaraq qalır və orada vəziyyəti sabitləşdirmək üçün də qəti addımlar atılacaq.
Rusiya Prezidenti və Ali Baş Komandan kimi, Rusiya vətəndaşı kimi mən ölkəni müdafiə etmək, konstitusiya quruluşunu, vətəndaşların həyatını, təhlükəsizliyini və azadlığını qorumaq üçün hər şeyi edəcəyəm. Bizim qarşılaşdığımız şey xəyanətdir. Həddindən artıq ambisiyalar və şəxsi maraqlar xəyanətə gətirib çıxardı".
Onun sözlərinə görə, xüsusi əməliyyat zamanı istənilən daxili iğtişaş ölümcül təhlükədir və ölkəni belə təhlükədən qorumaq üçün görülən tədbirlər “sərt olacaq”.
Üsyana cəlb olunmağa çalışanları prezident “ölümcül və faciəli, unikal səhvə” yol verməməyə, cinayət əməllərində iştirakdan əl çəkməyə çağırıb.
Digər xəbərlər
