11.07.2023 Siyasət

14 14

NATO-nun baş katibi Yens Stoltenberq bu gün Litvanın paytaxtı Vilnüsdə başlayacaq NATO Sammiti öncəsi keçirilən forumda çıxış edib.

İsveçin NATO-ya üzvlük müraciəti, prezident Rəcəb Tayyib Ərdoğan, İsveçin baş naziri Ulf Kristersson və dünən qatıldığı üçtərəfli görüşlə bağlı sualı cavablandıran Stoltenberq, "Bu zirvə hələ başlamamış tarixi oldu. Tamhüquqlu üzv olacaq. Yəni, İsveç, Türkiyə, bütün NATO və Baltikyanı region üçün yaxşıdır” dedi.

Stoltenberq Türkiyənin terrorla bağlı qanuni təhlükəsizlik narahatlıqlarını ortaya atdığını və keçən il Madrid Zirvəsindən bu yana Türkiyə, İsveç və Finlandiya arasında imzalanan Üçtərəfli Memorandumun bunların aradan qaldırılması üçün işini davam etdirdiyini, İsveçin də bəzi addımlar atdığını bildirib.

Bu mətnin həyata keçirildiyini və İsveçdə bir şəxsin terrora görə məhkum edildiyini xatırladan Stoltenberq, İsveçin üzvlüyü ilə ittifaqın daha təhlükəsiz olacağını bildirib.

Türkiyənin ABŞ-dan F-16 qırıcıları almaq planı ilə bağlı sualı cavablandıran Stoltenberq deyib:

"Bu, Birləşmiş Ştatların qərarıdır. Türkiyə çox açıq şəkildə bildirdi ki, o, bir əlaqə görmür. NATO müttəfiqlər arasında silah ixracına qoyulan məhdudiyyətləri aradan qaldırmaq üçün nə edə biləcəyimizə dair çox açıqdır. Mən Türkiyə ilə ABŞ arasında dialoqu alqışlayıram. Amma bu, dünən əldə etdiyimiz konsensusun bir hissəsi deyil”.