NATO-dan Rusiyaya qarşı addım

Tərəflər razılaşarsa, biz Ukraynaya dəvət göndərəcəyik.

Stoltenberq Litvanın paytaxtı Vilnüsdə keçirilən NATO Sammitinin ilk günündən sonra mətbuat konfransı keçirib.

Ukraynaya ciddi hərbi dəstək paketinin razılaşdırıldığını və siyasi əlaqələrin artırılması üçün NATO-Ukrayna Şurasının yaradıldığını deyən Stoltenberq, liderlərin Ukraynanın NATO üzvü olacağını təsdiqlədiklərini bildirib.

Baş katib Stoltenberq bildirib ki, Ukrayna üçün bəzi siyasi və hərbi kriteriyaları ehtiva edən Üzvlük Fəaliyyət Planı ləğv edilib və bu, üzvlük prosesini iki mərhələdən tək mərhələyə endirib.

“Biz açıq şəkildə bildirdik ki, müttəfiqlər barışdıqda və şərtlər yerinə yetirildikdə Ukraynaya NATO-ya üzv olmaq üçün dəvət göndərəcəyik”, - deyə Stoltenberq bildirib.

Stoltenberq Ukraynanın əməl etməli olduğu, lakin çatışmayan məsələlər hansılardır sualına belə cavab verib:

"İki ölçü var. Birincisi, onların müdafiə və təhlükəsizlik institutlarını nə qədər modernləşdirə biləcəkləri, idarəetməni, o cümlədən korrupsiyaya qarşı mübarizəni necə gücləndirəcəkləridir. Bunlar NATO-nun hər genişlənməsində nəzərə alınan məsələlərdir. Çünki biz yaxşı idarəçilik və güclü dövlət istəyirik. Biz həmçinin NATO ilə işləyə bilən silahlı qüvvələr istəyirik. Biz müdafiə və təhlükəsizlik institutlarının modernləşdirilməsi üzərində işləyirik və çoxillik proqramla qarşılıqlı fəaliyyət üzərində işləyirik.

Digər ölçü isə Ukraynada davam edən müharibədir. Ukrayna əsgərləri bütün dünyanı heyran edən şücaət göstərdilər. Lakin bütün müttəfiqlər müharibə davam edərkən Ukraynanı tamhüquqlu üzv qəbul etməməyə qərar verib”.