Səudiyyə Ərəbistanından türk podratçılara milyard dollarlıq dəvət

Səudiyyə Ərəbistanının Bələdiyyə, Kənd İşləri və Mənzil İşləri naziri Məcid Əl-Hogail, 2030-cu il vizyonu çərçivəsində cəmi 150 milyard dollar büdcə ayırdıqlarını ifadə edərək, türk podratçılarını mənzil layihələri üçün ölkəyə dəvət edib.

Türkiyə Podratçılar Birliyinin (TMB) üzvləri Səudiyyə Ərəbistanının bələdiyyə, kənd işləri və mənzil-tikinti naziri Məcid Əl-Hogailin rəhbərlik etdiyi nümayəndə heyəti ilə görüşüb.

Dərnəkdən verilən açıqlamaya görə, Rusiya-Ukrayna müharibəsi səbəbiylə Rusiyada layihələri yarımçıq qalan türk podratçılar bu itkini Səudiyyə Ərəbistanı bazarı ilə ödəmək üçün səylərini sürətləndirib.

Bu çərçivədə TMB Səudiyyə Ərəbistanının bələdiyyə, kənd işləri və mənzil-tikinti naziri Əl-Hogailin başçılıq etdiyi Səudiyyə Ərəbistanı nümayəndə heyətini Ankarada qəbul edib.

TMB prezidenti Erdal Eren çıxışında mart ayında Ər-Riyadda müqavilə komitəsinin səfərindən sonra Səudiyyə Ərəbistanı nümayəndə heyətini qəbul etməkdən məmnun olduqlarını bildirib.

Eren qonaq nazir Əl-Hogailin türk podratçılarla görüşmək istəyinin bu sahədə əməkdaşlığı daha da inkişaf etdirmək əzminin göstəricisi olduğuna diqqət çəkib.