Ərdoğan: Daimi sülhün yeganə yolu iki dövlətli həlldir

Prezident Ərdoğan Türkiyədə rəsmi səfərdə olan Fələstin lideri Abbasla görüşüb. Ərdoğan birgə mətbuat konfransında deyib: “Daimi sülhün yeganə yolu iki dövlətli həll yoludur”.

Kommersant.az xəbər verir ki, Prezident Ərdoğan və Fələstin dövlət başçısı Mahmud Abbas Prezident Külliyesində təkbətək görüşündən sonra birgə mətbuat konfransı keçirib.

Bugünkü görüşlərdə Fələstindəki hadisələri ətraflı müzakirə etdiklərini bildirən prezident Ərdoğan sözlərini belə davam etdirib:

"Münasibətlərimizi daha da inkişaf etdirmək üçün atıla biləcək addımları qiymətləndirmək imkanımız oldu. Fələstin dövlətinin potensialının gücləndirilməsinə və Fələstin xalqının hazırkı vəziyyətinin yaxşılaşdırılmasına dəstəyimizi təsdiq etdik.

Fələstində baş verənləri bu şəkildə yaxından izləyirik. Biz artan can itkisi, dağıntılar, qeyri-qanuni məskunlaşma genişlənməsi və məskunlaşanlara qarşı zorakılıq hallarından dərin narahatlıq keçiririk. Bu münasibətlə həyatını itirən fələstinli qardaşlarımıza bir daha Allahdan rəhmət, Fələstin dövlətinə və xalqına başsağlığı diləyirəm. Regionda ədalətli və davamlı sülhün yeganə yolu iki dövlətli həll vizyonunu müdafiə etməkdir. Başda Məscidül-Əqsa olmaqla müqəddəs yerlərin tarixi status-kvonunu dəyişməyə yönəlmiş hərəkətləri qəbul etməyimiz mümkün deyil. Fələstinli qardaşlarımız arasında birlik və barışıq bu prosesin əsas elementlərindən biridir. Bu sahədə hər cür dəstəyi verməyə hazır olduğumuzu bir daha əziz qardaşımla bölüşdüm”.