Aİ Rusiyanın “Taxıl dəhlizinə” qayıtmasından ümidsizdir
Avropa İttifaqı Komissiyasının sözçülərindən Peter Stano prezident Rəcəb Tayyib Ərdoğan və Rusiya prezidenti Vladimir Putinin görüşü və Qara Dəniz Taxıl Təşəbbüsü ilə bağlı Aİ-nin gözləntiləri ilə bağlı sualı cavablandırıb.
Stano bildirib ki, Aİ olaraq onların gözləntiləri Rusiyanın iyulun 17-də geri çəkildiyi razılaşmaya qayıtmaq və Ukrayna taxılının dünya bazarlarına ixracına mane olan hücumları dayandırmaqdır.
Mətbuat katibi sözlərinə belə davam edib: "Rusiya Ukrayna taxılının dünya bazarlarına çıxarılması üçün ən uyğun marşrutu bağlayır. Bu, qəbuledilməzdir. Rusiya da hazırda liman infrastrukturlarına, taxılın Ukraynadan çıxmasına imkan verən alternativ yollara hücum edir. Bu, Rusiyanın çirkin tərəfini göstərir. Rusiya Ukrayna taxılını nəinki bloklayır, həm də ondan gəlir götürür. Çünki onlar bir tərəfdən qlobal qiymətləri artırırlar və öz ixraclarını artırırlar və böyük miqdarda gəlir əldə edirlər. Aİ-nin Rusiyanın ixracatına mane olması ilə bağlı açıqlamalar dezinformasiya, manipulyasiya və yalandır. Biz Rusiyanı Qara Dəniz Taxıl Təşəbbüsünə yenidən qoşulmağa çağırırıq”.
Digər xəbərlər
Prezident İlham Əliyev: Biz öz tələblərimizi açıq şəkildə Rusiya tərəfinə bildirmişik
