Aİ-dən 5 milyard avroya yaxın ticarət profisiti var

Avropa İttifaqının (Aİ) iyulda ümumi xarici ticarət profisiti 4,9 milyard avro təşkil edib. Aİ-dən ən çox idxal edən ölkələr 41,4 milyard avro ilə ABŞ, 27,4 milyard avro ilə Böyük Britaniya və 18,1 milyard avro ilə Çin olub.

Avropa Statistika İdarəsi (Eurostat) Aİ və Avrozonanın iyul ayı üzrə beynəlxalq ticarət məlumatlarını dərc edib.

Məlumata görə, Aİ-nin ixracı iyulda ötən ilin eyni dövrü ilə müqayisədə 3,2 faiz azalaraq 205,2 milyard avroya, idxalı isə 21,5 faiz azalaraq 200,3 milyard avroya çatıb. İyulda AB-nin xarici ticarət müsbət saldosu 4,9 milyard avro olaraq təyin olunub.

Avrozonada iyulda 2022-ci ilin eyni dövrü ilə müqayisədə ixrac 2,7 faiz azalaraq 227,8 milyard avroya, idxal isə 18,2 faiz azalaraq 221,3 milyard avroya düşüb. Beləliklə, Avrozonanın ticarət profisiti iyulda 6,5 milyard avro olaraq qeyd edilib.

Sözügedən dövrdə Aİ ölkələrindən ən çox idxal edən ölkələr 41,4 milyard avro ilə ABŞ, 27,4 milyard avro ilə Böyük Britaniya, 18,1 milyard avro ilə Çin, 15 milyard avro ilə İsveçrə və 9,1 milyard avro ilə Türkiyə olub.

AB, xüsusilə enerji xərclərinin artması səbəbindən keçən il ərzində ticarət kəsiri yaşadı.