.jpg)
Almaniyanın ixracı və idxalı azalıb
Əvvəlki ayla müqayisədə ixrac 1,2 faiz, idxal isə 0,4 faiz azalıb. İxracın 0,4 faiz azalacağı, idxalın isə 0,5 faiz artacağı gözlənilirdi. Xarici ticarət balansı 16,6 milyard avro müsbət saldo verib.
Ticarət balansı 2023-cü ilin iyulunda 17,7 milyard avro, 2022-ci ilin avqustunda isə 2,0 milyard avro müsbət saldoya malik olub.
Avqust ayında Avropa İttifaqına (Aİ) üzv olan ölkələrə 69,6 milyard avro dəyərində məhsul ixrac edilib və bu ölkələrdən 60,0 milyard avro dəyərində mal idxal edilib.
2023-cü ilin iyul ayı ilə müqayisədə Aİ ölkələrinə təqvim və mövsümdən təmizlənmiş ixrac 1,5% azalıb, bu ölkələrdən idxal isə 1,9% artıb. 2023-cü ilin avqust ayında Avrozona ölkələrinə 48,8 milyard avro (-2,6%) dəyərində mal ixrac edilib, bu ölkələrdən isə 40,2 milyard avro (+3,2%) dəyərində mal idxal edilib.
Digər xəbərlər
Prezident: Gürcüstanın istehlak etdiyi təbii qazın 80 faizdən çoxu Azərbaycan mənşəlidir
BMT: 2024-cü ildə Ukraynada mülki əhali arasında itkilərin sayı ciddi şəkildə artacaq
Ticarət və tranzit: Azərbaycan və Gürcüstan regional inteqrasiyanı necə möhkəmləndirir?
