Lavrov ATƏT-i xilas etmək şanslarını dəyərləndirib

Lavrov: ATƏT-i dialoq platforması kimi xilas etmək şansları azdır.

ATƏT-i dialoq platforması kimi xilas etmək şansları azdır, lakin bunu hələ də etmək olar. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

“Biz hələ də ATƏT-i xilas etməyə çalışa bilərik, amma səmimi desək, şanslar zəifdir”, - deyə diplomat bildirib.

Lavrov ATƏT-i NATO, Avropa İttifaqı (Aİ), Yeddilik Qrupu (G7) və Avropa Şurası kimi strukturlarla müqayisə edib. Onun fikrincə, belə birliklər “ABŞ və onun müttəfiqlərinin dominantlığı altındadır” və bu da onları Qərbin “eqoist siyasətinin” alətinə çevirir. O, bu formatların “sırf marjinal strukturlara” çevrildiyi qənaətinə gəlib.

Bundan əvvəl Aİ-nin xarici siyasət sözçüsü Peter Stano Rusiyanın xarici işlər naziri Sergey Lavrovun Şimali Makedoniyaya səfərinin Aİ-nin sanksiyalarını pozmayacağını bildirmişdi.

Şimali Makedoniyanın Rusiyadan öz ərazisi üzərindən uçuşlara qoyulan qadağanı qısa müddətə aradan qaldıracağı da bildirilib. Qərar Lavrovun dəvəti qəbul edəcəyi və ATƏT Xarici İşlər Nazirlərinin iclasında iştirak etmək qərarına gəldiyi halda qəbul edilib.