Bayden və Zelenski döyüş meydanındakı vəziyyəti müzakirə etməyi planlaşdırıb
ABŞ prezidenti Co Bayden və ukraynalı həmkarı Vladimir Zelenski dekabrın 12-də keçirilən görüşdə döyüş meydanındakı vəziyyəti müzakirə etməyi planlaşdırır. RİA Novosti xəbər verir ki, bu barədə Ağ Evin strateji kommunikasiyalar üzrə koordinatoru Con Kirbi bildirib.
“Prezident sabah bir sıra müzakirələr üçün Ağ Evdə Zelenski ilə görüşəcək. Biz bu səfəri səbirsizliklə gözləyirik”, – deyə ABŞ administrasiyasının rəsmisi bildirib.
Kirbi qeyd edib ki, Bayden cəbhələrdə mövcud vəziyyətlə bağlı xəbərlər eşitməyi gözləyir. O, həmçinin vurğulayıb ki, Vaşinqton Kiyevi xüsusilə qışda dəstəkləməkdə davam etmək niyyətindədir.
Bir gün əvvəl məlum olmuşdu ki, ABŞ prezidenti Zelenskini dekabrın 12-də Ağ Evdə görüşə dəvət edib. Tərəflərin Kiyevin cari ehtiyaclarını müzakirə edəcəyi gözlənilir. Zelenskinin bütün ABŞ Senatı ilə görüşdə çıxışı da planlaşdırılır.
Digər xəbərlər
Qarabağ və Şərqi Zəngəzurda tələbatdan artıq elektrik enerjisi istehsal olunur - Nazir
Avropa İttifaqından qeyri-qanuni miqrasiya ilə mübarizəyə 30 milyon avro dəstək
