13.12.2023 Siyasət

0 0

Gəmlikdə baş verən 5,1 bal gücündə zəlzələ bizə Mərmərədə gözlənilən zəlzələni bir daha xatırlatdı. Bütün gözlər böyük İstanbul zəlzələsində olarkən Yer Alimi Prof. Dr. Naci Görürdən yeni xəbərdarlıqlar gəldi.

Zəlzələ ehtimalı 47 faizə qədər azalıb

İstanbulda zəlzələ ehtimalını yüzdə 47 olaraq elan edən Görürə bu nisbətin nəyə əsaslandığı soruşulub.

"Sözcü"nün suallarını cavablandıran Görür, "Parsons 2000-ci ildə bir araşdırma edib. Türk alimləri də var idi. O araşdırmanı edərkən geoloji dövr zəlzələlərini, fayda stresinin yığılmasını araşdırdılar. Nəticələrə görə, transfer hesablaması, 1999-cu ildən 30 il sonra bölgədə zəlzələnin baş vermə ehtimalı yüzdə 64-dür. Bu, çox yüksək ehtimaldır. Bu il Parsons bunu yenidən nəzərdən keçirdi və ABŞ-dan bizə zəng etdi. Təftişim nəticəsində, Bu ehtimal yüzdə 47-yə qədər azalıb” deyə cavab verib.

Zəlzələdən təsirlənəcək rayonlar

Mümkün İstanbul zəlzələsindən hansı rayonların təsirlənəcəyini açıqlayan Görür, “Xüsusilə Avropa yaxasındakı, Haliçdən Silivriyə qədər, Bakırköy, Zeytinburnu kimi dənizə yaxın bölgələr daha ciddi şəkildə təsirlənəcək".

Görür zəlzələyə hazırlıq üçün lazım olan komponentləri belə sıraladı:

"6 komponent. İdarəetmə sistemi, insanlar, infrastruktur, bina fondu, ekosistem və ətraf mühit, iqtisadiyyat... Hökumət beşini unudur, çünki onlara sərf etmir".

“Kanalizasiya suları içməli su şəbəkəsinə qarışır”

Görür İstanbulda 47 faiz ehtimalla zəlzələ olacağı təqdirdə yaranacaq problemləri belə izah edir:

"İstanbulda kanalizasiya və içməli su yan-yana gedir. Zəlzələdə borular qırılır, dağılır, kanalizasiya suları içməli su şəbəkəsinə qarışır. Bu halda epidemiyalar başlaya bilər. Su problemi yaşana bilər. İnsanlar susuzluqdan əziyyət çəkər. Düşünürəm ki, o halda yollar və infrastruktur da dağılacağına görə, su paylamaq daa çətin olacaq".

​