İraq ABŞ-ın respublikadakı hədəflərə zərbə endirməsini suverenliyin pozulması adlandırıb
ABŞ Silahlı Qüvvələrinin İraqdakı hədəflərə endirdiyi zərbələr ölkənin suverenliyini pozur. Bunu respublikanın baş naziri Məhəmməd əl-Sudani özünün Facebook səhifəsində (Rusiyada qadağan olunmuş sosial şəbəkə; Rusiya Federasiyasında ekstremist kimi tanınan və fəaliyyəti qadağan edilən Meta korporasiyasına məxsusdur) bildirib.
"İraq hökuməti 2023-cü il dekabrın 26-da ABŞ qüvvələrinin cavab tədbirləri bəhanəsi ilə İraq hərbi obyektlərinə hücumu zamanı baş verənləri pisləyir", - deyə bəyanatda deyilir.
İraqın baş naziri bu addımı düşmənçilik və qeyri-konstruktiv, həmçinin ikitərəfli münasibətlərə xələl gətirən və respublikanın suverenliyini kobud şəkildə pozan addım adlandırıb.
Bundan əvvəl ABŞ ordusu İraqdakı “Kətaib Hizbullah” qruplaşmasının üç hədəfinə zərbələr endirib. ABŞ Müdafiə Nazirliyi bildirib ki, hücum prezident Co Baydenin göstərişi ilə İraq və Suriyada ABŞ hərbçilərinə qarşı hücumlara cavab olaraq həyata keçirilib.
Digər xəbərlər
Qarabağ və Şərqi Zəngəzurda tələbatdan artıq elektrik enerjisi istehsal olunur - Nazir
Avropa İttifaqından qeyri-qanuni miqrasiya ilə mübarizəyə 30 milyon avro dəstək
