Aİ Trampın seçkidə qalib gələcəyi təqdirdə plan təklif edib

AP müavini Arley: Tramp Avropanı tərk edərsə, Aİ müdafiəsi müstəqil olmalıdır.

Donald Trampın ABŞ-da keçirilən prezident seçkilərində qalib gəlməsi və Avropanı tərk etməyə qərar verəcəyi təqdirdə Avropa İttifaqı (Aİ) ölkələri müdafiə sahəsində daha yaxından əməkdaşlıq etməlidir. Bu planı Avropa Parlamentinin (AP) sədr müavini Katarina Barley təklif edib.

Avropa Parlamenti sədrinin müavininin sözlərinə görə, Trampın ilk prezidentlik müddətindən sonra Avropa İttifaqının strateji cəhətdən daha müstəqil olması aydın oldu:

"Tramp Avropanı tərk edərsə, Aİ təhlükəsizlik siyasəti baxımından hərəkətə keçməli və öz ayaqları üzərində dayanmalıdır" dedi.

Onun sözlərinə görə, Aİ üzvləri hərbi sahədə daha sıx əməkdaşlıq etməlidir. Barley "Hazırda məqsəd hərbi təyinatlı malların birgə tədarükü və istehsalını artırmaq olmalıdır" deyib.

Bundan əvvəl NATO-nun baş katibi Yens Stoltenberq Trampın Amerikanın yeni prezidenti olsa belə, ABŞ-ın alyansda qalacağını bildirib. Baş katib aydınlıq gətirib ki, o, Trampın Şimali Atlantika Alyansından çıxmaq qərarı verəcəyinə inanmır.