Bayden administrasiyasından Türkiyəyə F16 dəstəyi

ABŞ Dövlət Departamentindən verilən açıqlamada, prezident Co Bayden və dövlət katibi Antoni Blinkenin Türkiyənin F16 donanmasının modernləşdirilməsinə verdiyi dəstək bir daha vurğulanıb.

Xarici İşlər Nazirliyinin mətbuat katibinin müavini Vedant Patel gündəlik mətbuat konfransında jurnalistlərin suallarını cavablandırıb.

Patel, "Prezident Bayden və katib Blinken Türkiyənin F-16 donanmasının modernləşdirilməsinə dəstəyimizi açıq şəkildə ifadə etdilər və bunu NATO-nun qarşılıqlı fəaliyyətinə əhəmiyyətli bir investisiya olaraq gördüyümüz" deyib.

"Lakin biz etiraf edirik ki, ABŞ Konqresinin silah satışına yenidən baxılmasında mühüm rolu var", - deyə sözçünün müavini deyib.

Vedant Patel, Türkiyə Böyük Millət Məclisinin (TBMM) İsveçin NATO üzvlüyünə qəbulu ilə bağlı qanun layihəsini təsdiqləməsindən "məmnun olduqlarını" və Ankaranın sözügedən prosesin təsdiq sənədini Ankaraya göndərməsini "səbirsizliklə" gözlədiklərini bildirib.

"İnanılmaz təhlükəsizlik tərəfdaşı"

Patel, "Bu prosesin rəsmi şəkildə yekunlaşdırılması və Türkiyənin təsdiq sənədinin Vaşinqtonda alınması üçün Prezident (Rəcəb Tayyib) Ərdoğanın sistem daxilində lazımi addımları atmasını səbirsizliklə gözləyirik" dedi.