Putin Klintonun Rusiyanın NATO-ya qəbulu ilə bağlı mövqeyindən danışıb

Putin: Klinton Rusiyanın NATO-ya daxil olması ehtimalından danışdı, lakin mövqeyini dəyişdi.

ABŞ-ın keçmiş prezidenti Bill Klinton əvvəlcə Rusiyanın NATO-ya daxil olması ehtimalını maraqlı ideya adlandırıb. Bu barədə Rusiya prezidenti Vladimir Putin amerikalı jurnalist Taker Karlsona müsahibəsində danışıb. Söhbətin səsyazısı müxbirin saytında dərc olunub.

Putin xatırladıb ki, 2000-ci ildə Rusiya dövlətinin başçısı olanda “Mən fikirləşirdim: tamam, bitdi, Yuqoslaviya məsələsi bitdi, biz münasibətləri bərpa etməyə çalışmalıyıq, hələ də Rusiyanın keçməyə çalışdığı bu qapını açmalıyıq”.

Onun sözlərinə görə, Kremldə Klintonla görüşdə amerikalı liderə Rusiyanın NATO-ya daxil olmasının mümkünlüyü barədə sual verib:

“Klinton dedi: bilirsən, bu maraqlıdır, mən belə düşünürəm ki, mümkünsüz məsələ deyil. Axşam naharda görüşəndə isə "bilirsinizmi, mən öz xalqımla, komandamla danışdım. Yox, bu elə də mümkün deyil” dedi".

O, bu barədə Klintonun özündən soruşmağı təklif edib: “Düşünürəm ki, o, bizim müsahibəmizi eşidəcək və bunu təsdiq edəcək”. “Əgər belə hadisə baş verməsəydi, mən heç vaxt belə bir şey deməzdim" dedi.

Keçən həftə Moskvaya uçan jurnalist Taker Karlson Rusiya lideri ilə müsahibə götürüb və söz verib ki, izləyicilər söhbətin yazısını redaktə etmədən görəcəklər ki, hər kəs öz fikrini formalaşdırsın. Müsahibə fevralın 9-da Moskva vaxtı ilə saat 02:00-da dərc olunub.