Yunan adalarına 'qapıda viza' müraciəti martın 30-da başlayacaq
12.03.2024
Siyasət
0
0
Yunanıstanın xarici işlər naziri Georgios Gerapetritis, ilk mərhələdə 30 Mart tarixindən etibarən Egeydəki 5 adada Türkiyə Respublikası vətəndaşları üçün "Qapıda viza" müraciətinə başlanılacağını açıqladı.
Yunanıstanın xarici işlər naziri Georgios Gerapetritis parlamentin sualını cavablandırarkən, “Türkiyədə bayram aprelin 10-dadır. Martın 30-da uyğun infrastruktura malik 5 adada viza rejiminin sadələşdirilməsinə başlayacağıq. Digər 5 adada lazımi infrastruktur işləri tamamlandıqdan sonra icraya başlanacaq. Bu proqram həm xalqlarımızı, həm də ölkələrimizi daha da yaxınlaşdıracaq” dedi.
Yunanıstan naziri viza rahatlığının tətbiq ediləcəyi 5 ada arasında Rodos və Kos kimi böyük adaların olduğunu, Symi və Meis kimi kiçik adaların isə 2-ci mərhələdə qalacağını bildirib.
Yunanıstan Hökuməti daha əvvəl Türkiyə Cümhuriyyəti vətəndaşlarına limanlarda 1 il etibarlı olmaqla cəmi 7 gün müddətinə viza veriləcəyini açıqlamışdı.
Digər xəbərlər
14.01.2025
Siyasət
Tramp “dəyişiklik vaxtı çatdığını” açıqlayıb: “Xarici Gəlir Xidməti” yaradılacaq
0
0
