Norveç parlamentinə bomba hədəsi
Norveç parlamentinə bomba təhdidi edilib. Paytaxt Osloda parlament üçün bu gün bomba təhdidinin ardından polis bina ətrafında təhlükəsizliyi artırıb. Parlament binasının yaxınlığındakı küçələr də nəqliyyatın hərəkəti üçün bağlanıb.
“Reuters”in məlumatına görə, parlament sözçüsü danışıqlarda iştirak etmək üçün binada olanlardan parlamenti tərk etmələrinin istəndiyini, deputatların isə normal işlərinə davam etdiyini bildirib. Polis sözçüsü, "Parlamentdə təhlükəsizliyi təmin etmək və baş verə biləcək bir insidentin qarşısını almaq üçün çoxlu sayda patrulla hadisə yerindəyik. Üçüncü şəxslər üçün təhlükə barədə hələ məlumatımız yoxdur" dedi.
Polis məmurlarının adətən silah gəzdirmədiyi ölkədə silahlı polislər Parlamentə girişin qarşısını almaq üçün binanın ətrafına metal maneələr qoyub.
Digər xəbərlər
