Yaponiyanın ABŞ senatoruna atom bombası reaksiyası: Qətiyyən qəbuledilməzdir

ABŞ senatoru Qrahamın İsrailə silah dəstəyini “atom bombası” ilə əlaqələndirməsinə reaksiya verən Yaponiyanın xarici işlər naziri Kamikava, “Yaxın Şərqdəki mövcud vəziyyəti nəzərə alaraq, Xirosima və Naqasakiyə atılan atom bombalarının nümunə kimi götürülməsi müzakirə edilməməlidir. Bu heç bir halda qəbuledilməzdir" dedi.

Yaponiyanın xarici işlər naziri Kamikava Yoko ABŞ-ın respublikaçı senatoru Lindsey Graham-ın ölkəsinin İsrailə silah dəstəyini davam etdirməsi çağırışında Xirosima və Naqasakiyə atılan atom bombalarına istinad etməsinə reaksiya verib.

Kamikava həftə sonu Qrehemin ölkəsinin İsrailə silah tədarükü ehtiyacı ilə bağlı müqayisəsini şərh edib.

Nazir Kamikava, "Yaxın Şərqdəki mövcud vəziyyəti nəzərə alaraq, Xirosima və Naqasakiyə atılan atom bombalarını nümunə götürən bir müzakirənin aparılması qətiyyən qəbuledilməzdir" dedi.

Qrehemin qiymətləndirməsini "insanlıq ruhu ilə bir araya sığmayan və olduqca təəssüf doğuran" kimi xarakterizə edən yapon nazir, Xirosima və Naqasaki fəlakətlərinin "heç vaxt təkrarlanmamalı olduğunu" vurğuladı və ölkəsinin "dağıdıcı reallığın düzgün başa düşülməsini təşviq etməyi" hədəflədiyini söylədi.

Atom bombası ilə "müharibənin bitməsi"nin qiymətləndirilməsi

ABŞ-ın respublikaçı senatoru Lindsey Graham NBC telekanalında yayımlanan "Meet the Press" proqramında İsrailin Qəzzaya hücumlarından danışıb.