NATO qərarını verdi: İki ölkəyə birgə üzvlük
27.05.2024
Siyasət
0
0
NATO Parlament Assambleyasının (NATO PA) Bolqarıstanın paytaxtı Sofiyada keçirilən Yaz Toplantısında Kosovo və Malta Assambleyaya assosiativ üzv qəbul edilib.
NATO Parlament Assambleyasının Yaz Toplantısı 32 üzv ölkədən 400-ə yaxın nümayəndənin iştirakı ilə keçirilib.
İclasda 1 "xeyr" və 14 "bitərəf" səsinə baxmayaraq, Kosovo və Malta səs çoxluğu ilə Assambleyanın assosiativ üzvü kimi qəbul edilib.
Əvvəllər “müşahidəçi” olan Kosovo və Malta assosiativ üzvlüyə qəbul olunduqları üçün Parlament Assambleyasında bəzi əlavə prioritetlərə malik olacaqlar.
NATO Parlament Assambleyasında nümayəndələrinin sayını artıra bilən iki ölkə gələcək qərarların qəbulu mexanizmlərində də rol oynaya və müəyyən əlavə şərtlərlə üçüncü ölkələrə səfər edəcək müxtəlif komitə nümayəndə heyətlərində iştirak edə biləcək.
Serbiya prezidenti Aleksandar Vucic mart ayında Kosovonun NATO PA-ya üzv olmaq cəhdlərinə qarşı çıxıb.
Digər xəbərlər
