13.06.2024 Siyasət

0 0

NATO-nun baş katibi Yens Stoltenberq Brüsseldəki qərargahında keçiriləcək iki günlük NATO Müdafiə Nazirləri Toplantısının girişində jurnalistlərə qiymətlər verib.

NATO-Ukrayna Təmas Qrupunun görüşün ilk günündə bir araya gələcəyini və bu ölkənin təcili ehtiyaclarını müzakirə edəcəyini bildirən Stoltenberq, nazirlərdən təhlükəsizlik yardımı və təlim üçün uzunmüddətli dəstək planı üzərində razılığa gəlmələrini gözlədiyini bildirib.

Stoltenberq iyulun 9-11-də Vaşinqtonda keçiriləcək NATO sammitində nazirlərlə çoxillik maliyyə öhdəliyinin razılaşdırılması məsələsini də müzakirə edəcəyini bildirib.

Ukraynaya tədarük ediləcək F16-ların Rusiya ərazisində istifadəsinə icazə verilib-verilməyəcəyi ilə bağlı suala Stoltenberq belə cavab verib: “Beynəlxalq hüquqa görə, Ukraynanın özünümüdafiə hüququ var və özünümüdafiə hüququna qanuni hərbi hədəfləri vurmaq daxildir”, -deyə cavab verib.

Müdafiə nazirlərinin iclasında Rusiyanın “düşmənçilik fəaliyyəti” müzakirə olunacaq

Baş katib bəyan edib ki, ikinci gün sessiyalarında NATO müdafiə nazirləri bir araya gələrək Rusiyanın NATO müttəfiqlərinə qarşı “düşməncəsinə fəaliyyətləri”nə toxunacaqlar.