.jpg)
Rusiya: ABŞ Koreya yarımadasında xaos yaratmaq niyyətindədir
Zaxarova paytaxt Moskvada keçirdiyi həftəlik mətbuat konfransında cari məsələlərlə bağlı açıqlamalar verib.
ABŞ-ın Koreya yarımadası ilə bağlı siyasətini dəyərləndirən Zaharova ABŞ və Cənubi Koreyanın nüvə silahı ilə bağlı ortaq planlar qurduğunu bildirib.
Zaxarova deyib: "Bu, təkcə Şimali Koreyadan gələn təhdidlərə qarşı mübarizə aparmaqla məhdudlaşmır, həm də Rusiya və Çinin strateji baxımdan qarşısını almağı hədəfləyir. Nüvə silahının istifadəsi ilə geosiyasi silahlı münaqişə ssenariləri üzərində işləmək vəziyyəti daha da gərginləşdirir, sülh və sabitliyi pozur, bölgəni nüvə fəlakətinə sürükləyir" dedi.
ABŞ-ın Koreya yarımadasına qarşı aqressiv siyasət yürütdüyünü bildirən Zaharova, “ABŞ bölgədəki vəziyyəti alt-üst etmək, xaos yaratmaq, bölgəni Yaxın Şərqə çevirmək məqsədi daşıyır” deyib.
“Amerikanın nüvə silahları Avropadan yığışdırılmalıdır”
NATO-nun baş katibi Stoltenberqin “NATO ölkələri nüvə silahı başlıqlarının istifadəyə hazırlanması ilə bağlı məsləhətləşmələrə başlayıb” ifadəsini dəyərləndirən Zaxarova bunun Avropanın təhlükəsizliyinə təhdid yaratdığını vurğulayıb.
“Türkiyə ilə bütün səviyyələrdə əməkdaşlığımızı davam etdiririk”
Türkiyə kəşfiyyatının Rusiyaya məlumat verməklə Moskvada terror aktının qarşısını almağa kömək etdiyi xəbəri ilə bağlı sualı cavablandıran Zaxarova bildirib ki, bu məsələyə yalnız Rusiya xüsusi xidmət orqanları münasibət bildirə bilər.
Mətbuat katibi Zaharova Türkiyə ilə bütün səviyyələrdə qarşılıqlı əlaqəni davam etdirdiklərini və gündəmdəki bütün məsələlərlə bağlı məsləhətləşmələr apardıqlarını bildirib.
