İsveçrədən Rusiya KİV-lərinə reklam qadağası

İsveçrədə Rusiyaya qarşı sanksiyaların siyahısı genişləndirilib. İsveçrənin daha 69 şəxs və 86 təşkilata qarşı sanksiya tətbiq edəcəyi açıqlanıb. Sanksiya siyahısına Rusiyada yerləşən 4 media qurumunun reklamına qadağa da daxildir.

İsveçrənin İqtisadi Məsələlər, Təhsil və Tədqiqatlar üzrə Federal İdarəsi (EAER) Rusiyaya qarşı Aİ-nin qərar verdiyi əlavə sanksiyalar siyahısını qəbul edərək, Rusiyaya qarşı sanksiyaların siyahısını genişləndirib.

İsveçrə Federal Şurasının rəsmi saytında yer alan elanda Rusiyada yerləşən 69 şəxs və 86 təşkilata qarşı sanksiya tətbiq ediləcəyi açıqlanıb. Ukraynaya qarşı davam edən hərbi təcavüzə cavab olaraq həyata keçiriləcək sanksiya siyahısında Rusiyada yerləşən 4 media qurumuna reklam qadağası tətbiq ediləcəyi ilə bağlı məlumatlar da yer alıb.

Yeni sanksiyalar əsasən biznesmenləri, təbliğatçıları, silahlı qüvvələr və ədliyyə işçilərini, ukraynalı uşaqların deportasiyasında məsul olan şəxsləri və Rusiya Konfederasiyasının Federal Təhlükəsizlik Xidmətinin (FSB) əməkdaşlarını hədəf alıb. Yeni sanksiyaların tətbiq olunacağı təşkilatlar arasında Rusiya müdafiə sektorunda fəaliyyət göstərən şirkətlərlə yanaşı, sanksiyaların yarılmasında fəal rol oynayan maliyyə və ticarət sektorunda fəaliyyət göstərən şirkətlər də var.

Rusiya media qurumlarını “davamlı təbliğat və dezinformasiya kampaniyaları”nda ittiham edən EAER-in sanksiya siyahısındakı media qurumlarının “Avropanın Səsi”, “RİA Novosti”, “İzvestiya” və “Rossiyskaya qazeta” olduğu görülüb.

Reklam qadağası olan 4 media qurumuna heç bir nəşr qadağası qoyulmayıb.