İran ABŞ-a 6,7 milyard dollar təzminat cəzası verib

İran sanksiyalardan sonra müalicə imkanı olmayan “kəpənək xəstələri”nin açdığı iddiada ABŞ-a 6,7 milyard dollar təzminat cəzası verib.

İran məhkəməsi ABŞ-ın tətbiq etdiyi birtərəfli sanksiyalar səbəbiylə müalicə imkanları itirilən ölümcül Epidermolizis Bulloza (EB) xəstələrinin iddiasına görə ABŞ rəhbərliyinə 6 milyard 785 milyon dollar təzminat cəzası verib.

İranın ədliyyə sisteminə bağlı Mizan Xəbər Agentliyinin məlumatına görə, Tehran Beynəlxalq Hüquq Məhkəməsi xalq arasında kəpənək xəstəliyi kimi tanınan EB xəstələri və onların ailələrinin açdığı işdə ABŞ hökumətinin maddi, mənəvi və cəza təzminatının ödənilməsinə qərar verib.

Qərarda qeyd olunub ki, ABŞ hökumətinin birtərəfli sanksiyaları səbəbindən ABŞ və Avropa şirkətləri xəstəliyin müalicəsi üçün lazım olan tibbi məhsulların İrana satışını dayandırıb.

Xatırladaq ki, dünyada yeganə müalicəvi sarğı istehsalçısı sayılan və kəpənək xəstələrinin yaralarını sağaldan İsveçin “Mölnlycke” şirkəti ABŞ-ın keçmiş prezidenti Donald Trampın ölkəsini nüvə sazişindən çıxarmasından və ölkəsinə qarşı yeni sanksiyalar tətbiq etməsindən sonra İranla bütün əməliyyatları dayandırıb. İran, bu qərardan 8 ay sonra İranda EB xəstələrinin yüzdə 20-nin öldüyü ifadə edilib.

Sağ qalanların ehtiyac duyduqları materialları əldə edə bilmədikləri üçün çox əziyyət çəkdikləri bildirilib.