Rusiya Britaniyanın bəzi rəsmilərinə sanksiya tətbiq edəcək

Rusiya Xarici İşlər Nazirliyi İngiltərənin beyin mərkəzləri və Chatham House kimi məsləhət təşkilatları və buna bənzər strukturların nümayəndələri də daxil olmaqla 32 nəfərə qarşı sanksiya tətbiq edildiyini açıqlayıb.

Rusiya Xarici İşlər Nazirliyindən verilən açıqlamada Londonun aqressiv anti-Rusiya mövqeyini davam etdirdiyi, qeyri-qanuni sanksiyaların məhdudlaşdırılması mexanizmini aktiv şəkildə işlətdiyi, “yalan və ikiüzlülük” əsasında informasiya və təbliğat kampaniyası apardığı bildirilib:

“Böyük Britaniyada fəaliyyət göstərən bir sıra analitik mərkəzlər, konsaltinq şirkətləri və oxşar profilli digər strukturlar Londonun düşmənçilik cəhdlərində mühüm rol oynayır. Kollektiv Qərbin anti-Rusiya anlayışının həyata keçirilməsində çox vaxt xarici dövlətlərin daxili işlərinə müdaxilə ilə bağlı ekspert qiymətləndirmələri və tərtib edilmiş tapşırıqlardan geniş istifadə olunur”.

Bəyanatda belə təşkilatların ictimai media və internet vasitəsilə Rusiya dövlətini gözdən salan dezinformasiyalar yaydığı, ölkədə daxili siyasi sabitliyi pozacaq şərait yaratmağa çalışdığı vurğulanıb və bu kontekstdə təmsilçilərin qadağan edilməsinə qərar verildiyi bildirilib.

Bəyanatda daha sonra dərc edilən siyahıya Forward Strategy Limited, Dövlət Təsərrüfatı İnstitutu, Media Müxtəlifliyi İnstitutu, Toro Risk Solutions, Chatham House, Open Knowledge Foundation, Privacy International, Peace Child İnternational və Ağa Xan rəsmiləri də daxil olmaqla 32 nəfərin adı daxil edilib.