ABŞ prezidenti Bayden demokratlarla göz yaşları içində vidalaşıb

ABŞ prezidenti Co Bayden ABŞ-ın Çikaqo şəhərində keçirilən Demokratik Milli Konqresdə göz yaşları içində partiyası ilə vida nitqi söyləyib.

Bir ay əvvəl partiya üzvlərinin təzyiqi ilə namizədliyini geri götürən Bayden, qurultayın açılış axşamı qızı Eşlinin təqdimatı və uzun sürən alqışlarla müşayiət olunan kürsüdə yerini aldı.

BBC Türk xəbərlərinə görə; Bayden çıxışına “Mən səni sevirəm, Amerika” deyərək başlayıb. Estafeti Kamala Harrisə ötürən Bayden vitse-prezidentlə birlikdə əldə etdiyi nailiyyətləri sadaladı.

Koronavirus pandemiyası zamanı ABŞ-ı dünyanın ən güclü iqtisadiyyatına çevirdiklərini iddia edən Bayden, orta təbəqənin də yenilənməsini təmin etdiklərini iddia edib.

Baydenin vitse-prezidenti Kamala Harris cümə axşamı qurultay zamanı Demokrat Partiyasının prezidentliyə namizədliyini qəbul edəcək.

Axşam saatlarında səhnəyə çıxan Harris izdihamı Trampa qalib gələcəyi vədləri ilə salamlayaraq, “Gəlin bizim üçün vacib olan ideallar uğrunda mübarizə aparaq və unutmayaq ki, nə vaxt döyüşsək, qalib gəlirik” deyib.

İyulun 21-də namizədliyini geri götürən Baydenin bu qərarı səhhətinin daha 4 il ölkəni idarə etmək üçün uyğun olmadığını düşünən demokratların təzyiqi nəticəsində verilib.

Klinton üçün böyük alqışlar

2016-cı il seçkilərində Trampa uduzan Hillari Klinton da çıxış etmək üçün səhnəyə çıxaraq izdihamdan böyük alqış aldı.