Putin 13 ildən sonra Çeçenistana sürpriz səfər edib

Rusiya prezidenti Vladimir Putin 13 ildən sonra ilk dəfə gəldiyi Çeçenistanda Ukraynada döyüşmək üçün təlim keçən əsgərləri ziyarət edib.

Rusiya prezidenti Vladimir Putin 2011-ci ildən bəri ilk dəfə Rusiyanın Çeçenistan Respublikasına qəfil səfər edib. Putini paytaxt Qroznıda Çeçenistan lideri Ramazan Kadırov və digər rəsmi şəxslər qarşılayıb.

Putin Çeçenistanın birinci lideri Əhməd Kadırovun Kurçaloyevski rayonunda məzarını ziyarət edib, daha sonra Kadirovla birlikdə Qudermesdəki Rusiya Xüsusi Təyinatlılar Universitetini ziyarət edib. Putin universitetdə Ukraynada döyüşmək üçün təlim keçən çeçen qoşunları və könüllülərlə görüşüb və hakimiyyətdən məlumat alıb:

"Nə qədər ki, sizin kimi əsgərlərimiz var, biz həmişə yenilməz olacağıq. Burada poliqonda atəş açmaq bir şeydir, həyatınızı və sağlamlığınızı riskə atmaq başqa şeydir. Amma vətəni müdafiə etməyə mənəvi ehtiyacınız və belə bir cəsarətiniz var”.

“Ukraynada döyüşmək üçün 47 min əsgər göndərdik”

Səfər çərçivəsində Kadırov və Putin arasında işgüzar görüş keçirilib. İclasda çıxış edən Kadırov bildirib ki, Çeçenistan Ukraynaya döyüşmək üçün 19 mini könüllü olmaqla ümumilikdə 47 min əsgər göndərib. Göndərilən əsgərlərin Rusiya Xüsusi Təyinatlı Universitetində təlim keçdiyini bildirən Kadırov, on minlərlə təlim keçmiş əsgərin hərbi bölgəyə getməyə hazır olduğunu da bildirib.

Narmin Gani

Xəbərin müəllifi

Facebok Twitter LinkedIn

Əvvəlki
ABŞ prezidenti Bayden demokratlarla göz yaşları içində vidalaşıb
Sonrakı
Fransa meymun çiçəyi virusundan təsirlənən ölkələrə 100 min doza peyvənd vəd edir