Telegramın qurucusu sərbəst buraxıldı

Avqustun 24-də Fransada saxlanılan Telegram mesajlaşma tətbiqinin qurucusu və baş icraçı direktoru (CEO) Pavel Durov məhkəmə tərəfindən 5 milyon avro girov və məhkəmə nəzarəti şərti ilə sərbəst buraxılıb.

Milli mətbuatda yer alan xəbərə görə, “hakimiyyətə məlumat verməkdən imtina etmək” kimi ittihamlarla dindirilən Durov bu gün hakim qarşısına çıxıb.

Paris Prokurorluğu, barəsində 12 fərqli ittiham irəli sürülən Durovun 96 saatlıq həbsdən sonra 5 milyon avroluq girov və məhkəmə nəzarəti ilə məhkəmə tərəfindən sərbəst buraxıldığını, həbs olunmadan mühakimə ediləcəyini və ölkədən çıxışına qadağa qoyulduğunu açıqlayıb.

Durov avqustun 24-də Parisin Burje hava limanında şəxsi təyyarəsindən enərkən saxlanılıb. Bildirilib ki, Durov Telegram-da qeyri-qanuni məzmuna daxil olduğu üçün saxlanılıb.

Durova qarşı ittihamlar

Paris Dövlət Prokuroru Laure Beccuau, Durova qarşı ittihamların qeyri-qanuni əməliyyatlar, uşaqlara qarşı cinsi istismar, fırıldaqçılıq və səlahiyyətlilərə məlumat verməkdən imtina kimi cinayətlərin olduğunu bildirib.

Beccuau, Durovun iyulun 8-də Mütəşəkkil Cinayətkarlıqla Mübarizə Mütəxəssisləri tərəfindən aparılan ilkin araşdırmanın ardından açılan “X” istintaqı çərçivəsində saxlanıldığını və Durovun 12 ayrı cinayətə görə araşdırıldığını demişdi.