100-dən çox şirkət Aİ süni intellekt paktını imzalayıb

Avropa İttifaqının (Aİ) süni intellekt paktını 116 şirkət imzalayıb. Şirkətlər yüksək riskli sistemlərin və idarəetmə strategiyalarının müəyyən edilməsi kimi məsələlərdə könüllü öhdəliklər götürüblər. Paktı imzalayan şirkətlər arasında texnologiya nəhəngləri də var. Aİ-nin Süni İntellekt Qanununun 2026-cı ildə qüvvəyə minməsi gözlənilir.

100-dən çox şirkət Avropa İttifaqının (Aİ) könüllü öhdəlikləri özündə əks etdirən süni intellekt paktını imzalayıb.

Aİ Komissiyası texnologiya, telekommunikasiya, səhiyyə, bankçılıq, avtomobil və aviasiya kimi müxtəlif sektorlardan 116 şirkətin AB süni intellekt paktını imzaladığını açıqlayıb.

Metanın paktda iştirak etməməsi diqqət çəkib

Açıqlamada, müqavilə ilə AB süni intellekt qanununun tətbiqindən əvvəl şirkətlərin bu sahədə idarəetmə strategiyası, yüksək riskli sistemlərin müəyyən edilməsi və məlumatlılıq kimi sahələrdə könüllü öhdəliklər götürdüyü bildirilib.

Paktı imzalayan şirkətlər arasında Microsoft, Google, Amazon, OpenAI, Hewlett Packard, IBM, Lenovo, Samsung, Qualcomm, Sap və Adobe var.

Facebook və Instagram-ın sahibi Metanın paktda iştirak etməməsi diqqət çəkib.