Moody's qərarına İsraildən sərt reaksiya

Bir ildir ki, Qəzzada hücumlarını davam etdirən İsrail müharibəni də Livana daşıyıb. Son zamanlar artan hücumlar, müharibənin iqtisadi dəyəri və qeyri-müəyyənlik səbəbiylə Moody's İsrailin kredit reytinqini bir daha aşağı saldı. İsrail Moody's çağırışına sərt reaksiya verib.

Beynəlxalq kredit reytinqi agentliyi Moody's İsrailin reytinqini daha iki pillə aşağı salıb. Beləliklə, İsrail qeyri-investisiya səviyyəsindən üç pillə yuxarı riskli mövqedə qaldı. Proqnoz mənfi olaraq qalır.

Geosiyasi və daxili siyasi risklər artıb

Moody's bəyanatı İsrail Hizbullah lideri Həsən Nəsrullahın öldürüldüyünü elan etməzdən əvvəl gəlib. Qəzzada atəşkəs ehtimalının azaldığını bildirən Moody's, geosiyasi və daxili siyasi risklərin artdığını açıqlayıb.

Moody's münaqişələrin İsrail iqtisadiyyatını getdikcə zəiflədəcəyinə işarə etsə də, bərpanın əvvəlki kimi sürətli olmayacağını da qeyd edib.

Bloomberg-ə danışan İsrail Maliyyə Nazirliyinin baş mühasibi Yali Rothenberg kredit reytinqinin "həddindən artıq və ədalətsiz" olduğunu və İsrail iqtisadiyyatının maliyyə və makroiqtisadi göstəriciləri ilə uyğun gəlmədiyini bildirib.