Yaponiyada yeni baş nazir elan edilib
Yaponiyada hakim Liberal Demokrat Partiyasının (LDP) yeni lideri İşiba Şiqeru Nümayəndələr Palatasında keçirilən növbədənkənar sessiyada ölkənin baş naziri seçilib.
Yaponiya parlamentinin aşağı palatası olan Nümayəndələr Palatasında (Şuuqin) keçirilən sessiyada parlament üzvləri ölkənin yeni baş nazirinin seçilməsinə səs veriblər.
İşiba Şiqeru, partiyası LDP və ortağı Komeitonun üstünlük təşkil etdiyi 465 yerlik Şuuqində 291 “hə” səsini toplayaraq Yaponiyanın 102-ci baş naziri oldu.
LDP-nin ötən həftə keçirilən rəhbər seçkilərində ikisi qadın olmaqla 9 namizəd iştirak edib. 1970-ci illərdən bəri LDP-də ən çox namizəd olması diqqət çəkirdi. Seçkilərin ikinci turunda İşiba qadın rəqibi Takaiçi Sanaeni məğlub edərək yeni LDP lideri seçildi.
Yeni kabinetini açıqlamağa hazırlaşan İşiba, İmperator sarayında keçiriləcək mərasimlə vəzifəsinə başlayacaq.
Digər xəbərlər
Azərbaycan Rusiya ilə “Şimal-Cənub”la tranzit yükdaşımalarına dair saziş imzalayıb
.jpg)
Prezident Mayıl Əhmədovu 2-ci dərəcəli “Əmək” ordeni ilə təltif etdi - SƏRƏNCAM
