Elon Muskın yüksək vəzifəli işçiləri istefa verdi

Tesla-da bir-birinin ardınca istefalar gəldi. Elon Musk, Tesla tərəfindən hazırlanmış Robotaxinin təqdim edilməsindən əvvəl şirkətdə dörd yüksək səviyyəli menecerini itirdi.

Tesla, sabah hazırladığı sürücüsüz taksi olan "Robotaksi"nin istifadəyə verilməsindən əvvəl ardıcıl istefalarla sarsıldı. İşə başlamazdan əvvəl Elon Maska hesabat verən dörd yüksək səviyyəli menecer şirkəti tərk edib.

Business Insider xəbər verir ki, Tesla bir həftə əvvəl keçirilən ümumi yığıncaqda 12 ildir İnformasiya Texnologiyaları Meneceri vəzifəsində çalışan Nagesh Saldi-nin ayrıldığını açıqlayıb. Şirkətin İctimai Siyasət və Biznesin İnkişafı üzrə Direktoru Cos Dinqs də oktyabrın 1-də şirkətdən ayrıldığını açıqlayıb. Oktyabrın 4-də Tesla-nın keçmiş Model S və Model X proqram meneceri David Zhang, oktyabrın 6-da isə Qlobal Avtomobillərin Avtomatlaşdırılması və Təhlükəsizlik Siyasətlərinin rəhbəri Mark Van İmpe istefa verdiklərini açıqlayıblar.

Teslada yarpaq tökülməsi

Şirkətin avtomobil proqramlarının keçmiş rəhbəri Daniel Ho da 29 sentyabrda Tesla-dan ayrıldı və Waymo-nun proqramlar üzrə yeni direktoru oldu. Ho, Musk işçilərin sayını azaltmaq planını elan etdikdən sonra şirkəti tərk edən bir neçə rəhbərlərdən biri idi.

Aprel ayında Tesla-nın güc aqreqatı və elektrik mühəndisliyi üzrə baş vitse-prezidenti Drew Baglino və Supercharging baş direktoru Rebecca Tinucci də şirkəti tərk etdilər.

Bir il ərzində 8 rəhbər istefa

Beləliklə, Musk son bir ildə Tesla-nın birbaşa hesabat verən menecerlərindən səkkizini itirdi. Keçmiş işçilər Tesla-dakı bu dəyişikliyi Maskın iş tərzi ilə əlaqələndirirlər.